Разамбек Жамалов мураббийи Бувайсар Сайтиевнинг вафотига муносабат билдирди

"Мен сизни бутун қалбим билан яхши кўраман, сиз бутун умр қалбимда қоласиз. Менга ўғилдек муносабатда бўлганингизни ва менга қандай ғамхўрлик қилганингизни ҳис қилардим. Бунга ишониш жуда қийин, бу биз учун катта йўқотиш, лекин барчаси Қодир Тангрининг иродасидир. Алҳамдулиллаҳ! Сизнинг чин дилдан тавба қилганингни гувоҳи бўлдим. Алҳамдулиллаҳ. Инна Лиллаҳи ва Инна Илайҳи Рожиун", деб ёзди Жамалов.

Бувайсар Сайтиев 11 март куни ўзининг 50 ёшини қаршиларди. Сайтиев Атланта-1996, Афина-2004 ҳамда Пекин-2008 Олимпия ўйинларида чемпион бўлган. Спортчилик фаолиятини 2009 йилда якунлаб, 2016 йилда Госдума депутати этиб сайланганди. Унинг ўпка касаллигидан вафот этгани айтилмоқда. Бувайсарнинг кичик укаси Адам Сайтиев Сидней Олимпиадаси чемпиони бўлган, айни пайтда эса Париж-2024 Олимпиадаси ғолиби Разамбек Жамаловнинг шахсий мураббийи ҳисобланади.