23 дек 15:53
Янгиликлар

Спорт курашлари

Разамбек Жамалов Рамзан Кадировнинг ўғли томонидан тақдирланди (ФОТО)

Кеча Чеченистон Республикаси Спорт вазирлигида йилнинг энг яхшиларини тақдирлаш маросими бўлиб ўтди.

Хабар берганимиздек, тадбир доирасида эркин кураш бўйича Ўзбекистон терма жамоаси аъзоси, Париж-2024 ёзги Олимпия ўйинлари ғолиби Разамбек Жамалов "Спорт фахри" номинациясида ғолиб деб топилди.

Унга мукофотни Чеченистон раҳбари Рамзан Кадировнинг ўғли Ахмат Кадиров топширди.

"Бугун Чеченистон Республикаси Спорт вазирлигида мукофот олдим. "Спорт фахри" номинациясида.

Минтақа раҳбари Рамзан Ахматовичга ва Спорт вазирлигига чуқур миннатдорлигимни билдирмоқчиман. Бу менинг саъй-ҳаракатларимнинг катта эътирофидир", деб ёзган Жамалов ўзининг Instagram саҳифасида.