"Реал" собиқ устози Қатар терма жамоаси бош мураббийи лавозимига тайинланди

Қатар футбол ассоциацияси билан шартнома 2027 йил охирига қадар мўлжалланган.

58 ёшли Лопетеги фаолияти мобайнида Испаниянинг турли терма жамоалари, "Райо Вальекано", "Реал", "Севилья", "Вулверхэмптон", "Вест Хэм" жамоаларида фаолият юритган. 

Маълумот ўрнида, собиқ мураббий Луис Гарсия Қатарни 5 та ўйинда бошқарди. Хусусан, жамоа унинг қўл остида 1 та ғалабага эришган бўлса, 2 марта дуранг ўйнади ва 2 марта мағлуб бўлди.

Қатар терма жамоаси айни пайтда ЖЧ 3-саралаш босқичи "A" гуруҳида 4-ўринни банд этиб турибди.

Эслатиб ўтамиз, Ўзбекистон МТЖ 10 июнь куни Тошкентда айнан Қатарга қарши баҳс олиб боради.