02 мар 10:33
Янгиликлар

Футбол

"Реал"га Альфонсо Дэвиснинг нархи ёқмаяпти

"Бавария" раҳбарияти чап қанот ҳимоячиси Альфонсо Дэвис билан 70 млн евро эвазига хайрлашишга тайёр, дея хабар беради Bild.

Аммо сўнгги ойларда 23 ёшли канадаликка фаол қизиқиш билдираётган "Реал" бунча пул тўламоқчи эмас. Мадрид клуби мюнхенликлар билан музокара жараёнини 30-35 млн евролик таклиф билан бошлаш ниятида ва максимал 40 млн евродан кўп бермоқчи эмас.

Эслатиб ўтамиз, бу мавсумда Альфонсо Дэвис барча турнирларда 27та ўйинда қатнашиб, 1 та гол ва 3 та ассистни ўз ҳисобига ёздириб қўйди. Ҳимоячининг "Бавария" билан шартномаси 2025 йилнинг ёзигача мўлжалланган.