17 авг 17:50
Янгиликлар

Спорт курашлари

Рестарт. Эркин кураш бўйича Беларусь чемпионати ўтказилди

Минск шаҳрида 23 ёшгача (U-23) бўлган эркин курашчилар ўртасида Беларусь чемпионати бўлиб ўтди.

Карантиндан кейинги илк чемпионатга Республика олимпия захиралари коллежи кураш зали мезбонлик қилди. Икки кун давомида жами 83 нафар иштирокчи 10 вазн тоифасида медаллар учун гиламга чиқишди.

57 кг вазнда Ислам Гусейнов, Дмитрий Шамело, 74 кг вазн тоифасида Давуд Ализалов, Александр Павлюченко сингари эркин курашчилар мусобақа кашфиётига айланишди. Чемпионат якунига кўра Беларусь терма жамоаси шакллантирилди ва энди ғолиблар октябрь ойида Қозон шаҳрида ўтказилиши режалаштирилаётган Биринчи МДҲ ўйинларига тайёргарлик кўришади.