10 дек 10:29
Янгиликлар

Бокс/ММА

Ричард Комми: "Ломаченко билан жанг осон бўлмайди"

Эртага (бизнинг вақт билан якшанба тонгида) АҚШнинг Нью-Йорк шаҳрида профессионал бокс кечаси бўлиб ўтади.

Madison Square Garden аренасида ўтказиладиган бокс оқшомининг марказий жанги собиқ жаҳон чемпионлари - украиналик Василий Ломаченко ҳамда ганалик Ричард Комми ўртасида ўтказилади.

Икки боксчи эртанги жанг олдидан расмий матбуот анжумани ҳамда кўз уриштириш маросимида ҳозир бўлишди.

"Жуда ҳам ҳаяжондаман. Ҳозир ўзимни яхши ҳис этяпман. Ортимда бутун ватаним турибди. Ломаченкога қарши жанг осон бўлмаслигини ҳам жуда яхши биламан. Ўйлашимча, мағлубият бу бокснинг бир бўлаги. Ютқазишинг эмас, ўша мағлубиятдан қандай қайтишинг муҳим. Теофимо Лопесга қарши жанг тарихда қолди. Мен буни эркакларча қабул қилдим. Яна қайтиб, кучли эканимни исботлашим керак. Ломаченко ҳам бежизга мени танламаган. Ҳаммасини жанг кўрсатади", — деди Комми.