03 дек 15:03
Янгиликлар

Бокс/ММА

Ригондо Ломаченкони кучли боксчи сифатида тан олмади

Жаҳон чемпиони Василий Ломаченконинг рақиби кубалик Гильермо Ригондо украиналик боксчини дунёнинг кучли боксчилари қаторига қўшмади.

“Менинг чемпионим ва суперюлдузим – Андре Уорд. Шунингдек, Теренс Кроуфорд, Майки Гарсия, Канело Альварес, Мигель Коттони ҳам юлдуз сифатида тан оламан. Мени ҳам ушбу рўйхатга киритиш керак.

Мейвезер? У боксчилик фаолиятини якунлаган. Лекин мен учун барибир биринчи рақамли юлдуз бўлиб қолаверади”, - деди Ригондо.

Эслатиб ўтамиз, икки вазнда жаҳон чемпионлари бўлиб турган Василий Ломаченко ва Гильермо Ригондо ўртасидаги бирлаштирувчи чемпионлик жанги 9 декабрь куни АҚШнинг Нью-Йорк шаҳрида бўлиб ўтади.