Рико Верхувен Усикдан баҳсли мағлубият учун реванш талаб қилмоқда

Рико 11-раунднинг 2:59 дақиқасида техник нокаут билан мағлубиятини қайд этган ҳакам жангни тўхтатишга шошилди, деб ҳисоблайди ва украиналик билан реваншга умид қилмоқда.

"Ҳа, албатта, ҳакам қароридан норозиман. Тўхтатишга сабаб йўқ эди. Раунд деярли тугаганди - мен зарбадан йиқилмадим, бир сония ҳеч нарсани ҳал қилмасди. Бир дақиқалик танаффусдан кейин қайтиб бемалол жангни якунлай олардим. Бир раундгина қолганди. Мен буни айнан шундай кўраман. Жангни тўхтатмаслик керак эди. Ҳаммаси жуда яқин эди. Мен ғалабага яқин эдим, ҳаммаси анча текис эди. Ҳар ҳолда, менга шундай туюлди. Шунга қарамай, мен жуда фахрланаман ва миннатдорман. Бугун ҳаммамиз тарихга кирдик", - деди нидерландиялик жангдан сўнг.

Мисрдаги Гиза эҳромлари яқинида бўлиб ўтган жангдан сўнг дарҳол шоу промоутери Турки Ал аш-Шайх Верхувеннинг ватани Нидерландияда реванш жанги уюштиришни таклиф қилди.

"Албатта, мен реванш хоҳлайман, лекин бу менга боғлиқ эмас. Имконият учун, шунингдек, Усик бу жангга рози бўлганидан жуда миннатдорман. Реванш ҳақидаги қарорни мен қабул қилмайман, шунинг учун бундан кейин нима бўлишини кўрамиз", - дея қўшимча қилди Верхувен.