16 май 08:46
Янгиликлар

Теннис

Рим "Мастерс". Табило эртаги давом этади, у илк бор 1/2 финалда!

Номдор рақибларини мусобақадан чиқариб юборган чилилик теннисчи фаолиятида илк бор "Мастерс" сериясига кирувчи турнир ярим финалида кортга чиқади.

ATP рейтингида 32-ўринни эгаллаб турган Алехандро Табило чорак финалда хитойлик Чжан Чжичжэнни мағлубиятга учратди - 6/3, 6/4. Табило бу билан теннисчиларнинг ўзаро учрашувларидаги ҳисоб мувозанатини ҳам тиклаб қўйди - 1:1.

Бир соату 26 дақиқа давом этган баҳсда Табило 7, Чжан 4 та эйс зарбани амалга оширган. Қўшхатолар Алехандрода кўпроқ бўлди - 3 га 2. Иккита брейк чилилик теннисчига унчалик қийин бўлмаган ғалабани тақдим этди.