Рим WTA 1000. Дунёнинг биринчи ракеткаси бош совринни кўзлаяпти

Сайёрамизнинг биринчи рақамли теннис маликаси Арина Соболенко тўртинчи даврада WTA рейтингида 27-ўринни эгаллаб турган украиналик Марта Костюкни 6/1, 7/6(8) ҳисобида мағлубиятга учратди. Теннисчиларнинг ўзаро учрашувларидаги ҳисоб янада йириклашди - 4:0. 

Икки соату олти дақиқа давом этган баҳсда Соболенко 4, Костюк 2 та эйс зарбасини амалга оширган. Қўшхатолар Мартада кўпроқ бўлди 5 га 2, брейклар бўйича эса табиийки, Арина устунлик қилди - 4 га 2. Беларуслик теннисчи бу йилги мавсумда ўзи қатнашган турнирларда кетма-кет бешинчи маротаба 1/4 финалда ўйнайди. Унинг бу босқичдаги рақибаси дунёнинг еттинчи ракеткаси, хитойлик Чжэн Циньвэнь бўлади.