РИОЗМИ мураббийлари карантин кунлари китоб ўқишни тавсия қилишяпти

Ҳукуматимиз томонидан зарурат бўлмаганида уйни тарк эмаслик, кўчага чиқмаслик тавсия қилинмоқда. Бу чорловларга тўлиқ риоя қилсак, коронавирус балосини биргаликда енгамиз.  

Ўзбекистон спорт курашлари ассоциацияси мутасаддилари, мураббий ва спортчиларимиз ушбу тавсияларга тўлиқ амал қилишяпти. Карантин кунларини уй шароитида машғулот ўтказиш, китоб ўқиш, рақибларни ўрганиш билан ўтказишмоқда. 

Хусусан, терма жамоаларимизга истеъдодларни етказиб бериши билан машҳур бўлган Республика ихтисослаштирилган олимпия захиралари мактаб интернати мураббийлари ҳам бугунги синовли кунларни мазмунли ўтказишга ҳаракат қилишяпти. 

Мактаб интернатининг спорт курашлари бўлими мураббийлари - Асрор Хўжамуродов, Исмат Жабборов, Эшпўлат Ҳидоятов, Латиф Халимов, Олим Қурбонов, Дилшод Турдиев, Шуҳрат Рўзиқулов ва Санжар Машраповлар турли жанрдаги китобларни мутолаа қилишяпти. 

Шунингдек. спортчиларимизнинг рақибларини ўрганишмоқда. Хориж илмий қўлланмалари асосида машғулотлар учун янгиликлар киритиш ҳақида бош қотиришяпти. Ўз ўрнида қолганларни ҳам карантин кунлари уйда қолиб, фаол бўлишга чақиришяпти. 

Уйда қолинг, китоб ўқинг, фойдали машғулотлар билан банд бўлинг ва БИЗ албатта коронавирусни енгамиз!