13 авг 08:32
Янгиликлар

Теннис

Rogers Cup (ATP): Надаль фаолиятидаги 80-совринини қўлга киритди

Канаданинг Торонто шаҳри мезбонлик қилган теннис бўйича “Мастерс” сериясига кирувчи нуфузли Rogers Cup турнирига якун ясалди.

Канада Очиқ чемпионатининг соврин жамғармаси 5 315 025 доллардан иборат эди. Ҳал қилувчи финал учрашувида дунёнинг биринчи ракеткаси испаниялик Рафаэль Надаль грециялик Стефанос Циципасга қарши кортга чиқди.

Бир соату 41 дақиқа давом этган баҳс якунида 32 ёшли Надаль дунёнинг 27-ракеткаси бўлиб турган 20 ёшли Стефаносдан 6:2, 7:6(4) ҳисобида устун келди. Бу Надаль учун фаолиятидаги 80-соврин бўлди. Торонтондаги муваффақиятли иштирок Рафага 1,020,425 АҚШ доллари ҳамда 1000 рейтинг очкосини тақдим этди.