13 авг 08:01
Янгиликлар

Теннис

Rogers Cup. Бош соврин дунёнинг биринчи ракеткасида!

Канаданинг Монреаль шаҳрида теннис бўйича нуфузли WTA турнири ўз якунига етди.

Мусобақанинг ҳал қилувчи финал учрашувида дунёнинг биринчи ракеткаси руминиялик Симона Халеп WTA рейтингида 3-ўринда бораётган америкалик Слоан Стивенсга қарши кортга чиқди. Икки соату 41 дақиқа давом этган баҳсда 26 ёшли Халеп 25 ёшли Слоандан 7:6(6), 3:6, 6:4 ҳисобида устун келди.

Монреаль турниридаги муваффақиятли иштирок Симона Халепга 519 480 доллар мукофот пули ҳамда 900 рейтинг очкосини тақдим этди. Бу руминиялик теннисчи учун фаолиятидаги 18-совринга айланди.