04 июн 11:52
Янгиликлар

Теннис

"Ролан Гаррос". Амалдаги чемпион 1/2 финалга чиқди

Дунёнинг иккинчи ракеткаси Карлос Алькараз Парижда давом этаётган "Ролан Гаррос" турнирининг ярим финал иштирокчисига айланди.

Испаниялик теннисчи 1/4 финалда дунёнинг 12-ракеткаси бўлиб турган америкалик Томми Полга ҳеч қандай имконият қолдирмади - 6/0, 6/1, 6/4. Карлос теннисчиларнинг ўзаро учрашувларидаги ҳисобни йириклаштирди - 5:2.

Тўқсон олти дақиқа давом этган баҳсда иккала теннисчи ҳам 3 тадан эйс зарбасини амалга оширган. Брейклар бўйича мутлақ устунлик Алькараз томонида бўлди - 6 га 0! Энди амалдаги чемпион финал чиптаси учун италиялик Лоренцо Музеттига қарши кортга чиқади.