06 июн 11:37
Янгиликлар

Теннис

“Ролан Гаррос”. Доминик Тим қаторасига учинчи йил ҳам ярим финалга чиқди

Франция пойтахти Париж шаҳрида теннис бўйича “Катта Дубулға” туркумига кирувчи “Ролан Гаррос” турнирининг асосий тўр баҳслари давом этмоқда.

Дунёнинг саккизинчи ракеткаси, австриялик Доминик Тим ярим финал иштирокчисига айланди. У 1 соату 50 дақиқа давом этган чорак финал учрашувида ATP рейтингида 4-ўринни эгаллаб турган германиялик Александр Зверевни 6:4, 6:2, 6:1 ҳисобида мағлуб этди.

Икки теннисчи ўртасидаги ўзаро учрашувларда Тим 5:2 ҳисобида олдинда боряпти. Энди австриялик ракетка устаси финал чиптаси учун Новак Жоковични мағлуб этиб, катта шов-шув кўтарган италиялик 25 ёшли Марко Чеккинатога қарши кортга чиқади.