04 июн 13:40
Янгиликлар

Теннис

"Ролан Гаррос". Елена Рибакина Свитолинани тўхтатди

Франция пойтахти Париж шаҳрида ўтказилаётган теннис бўйича "Катта Дубулға" туркумига кирувчи "Ролан Гаррос" турнирида 1/4 финалчилар маълум бўлди.

Дунёнинг тўртинчи ракеткаси Елена Рибакина кучли саккизталикка киришга муваффақ бўлди. Қозоғистонлик теннис маликаси 1/8 финалда WTA рейтингининг 19-поғонасида бораётган украиналик Элина Свитолинани мағлубиятга учратди - 6/4, 6/3.

Бу билан Елена теннис маликалари ўртасидаги учрашувлар мувозанатини тиклаб қўйди - 2:2. Етмиш бир дақиқалик баҳсда иккала теннисчи ҳам 5 тадан эйс зарбасини амалга оширган. Қўшхатолар Элинада кўпроқ бўлди - 3 га 1. Брейклар бўйича эса устунлик Рибакина томонида - 5 га 2!