"Ролан Гаррос". Элина Свитолина рақибасига 4 та гейм берди

Украиналик теннис маликаси катта танаффусдан сўнг фаолиятини қайта тиклади ва қисқа муддатда битта WTA турнирида чемпион бўлди ҳамда рейтингда 1000 поғонага юқорилаб олди. Элина илк даврада дунёнинг 24-ракеткаси, италиялик Мартина Тревизандан 6/2, 6/2 ҳисобида устун келди.

Бу теннисчиларнинг ўзаро ўтказган илк учрашуви эди. Етмиш икки дақиқа давом этган баҳсда Свитолина 2 та эйс ва 4 та брейкни амалга оширди, қўшхатога йўл қўймади. Энди Элина иккинчи босқичда австралиялик Сторм Хантерга қарши кортга чиқади.