09 июн 10:53
Янгиликлар

Теннис

"Ролан Гаррос". Эркаклар ўртасидаги жуфтлик мусобақаси финалчилари маълум

Теннис бўйича Франция Очиқ чемпионатининг эркаклар ўртасидаги жуфтлик мусобақасида 1/2 финал учрашувлари ўтказилди.

Хорватиялик Иван Додиг ва АҚШ вакили Остин Крайчек жуфтлиги Марсель Гранольерс ҳамда Орасио Себальос (Испания/Аргентина, 10) ҳамкорлигини 6/3, 7/6(3) ҳисобида мағлубиятга учратди. Додиг ва Крайчек турнирнинг тўртинчи сараланган жуфтлиги ҳисобланади.

Иккинчи 1/2 финал учрашувида Матве Мидделькоп ва Андреас Мьес (Нидерландия/Германия, 12) тандеми бироз кутилмаганда бельгиялик теннисчилар Сандер Жилле ва Йоран Флигенга 4/6, 5/7 ҳисобида имкониятни бой беришди. Бош соврин соҳибларини аниқлаб берувчи финал учрашуви эртага, 10 июнь куни бўлиб ўтади.