31 май 13:12
Янгиликлар

Теннис

Ролан Гаррос. Гаэль Монфис иккинчи ғалабасига эришди

Дунёнинг 17-ракеткаси Гаэль Монфис Франция Очиқ чемпионатининг иккинчи давра учрашувини ўтказди.

Франциялик теннисчи "Ролан Гаррос"нинг иккинчи босқичида рейтингнинг 48-поғонасидан жой олган ватандоши Адриан Маннаринога қарши кортга чиқди. Гаэль 1 соату 43 дақиқа давом этган баҳсда 6/3, 6/4, 6/4 ҳисобида зафар қучди.

Кечаги ўйиндан сўнг икки франциялик теннисчининг ўзаро учрашувлардаги ҳисоби тенглашди - 2:2. Энди Монфис учинчи даврада испаниялик Фернандо Вердаскодан устун келган франциялик Антоан Хоанга қарши баҳс олиб боради.