"Ролан Гаррос". Кудерметова асосий тўрга йўлланма тақдим этган финал баҳсида кортга чиқди

Саралаш турнирида 16-рақам остида таснифланган Кудерметова илк даврада нидерландиялик Анук Коэвермансни 6/1, 7/5(5), 1/2 финал учрашувида болгариялик Виктория Томовани 7/6(2), 6/7(5), 6/3 ҳисобида мағлубиятга учратган эди.

Афсуски, у асосий тўрга йўлланма тақдим этган саралашнинг финал учрашувида хитойлик Ван Сиюйга кутилмаганда 3/6, 3/6 ҳисобида имкониятни бой бериб, нуфузли турнирдаги иштирокини якунлади. Тўқсон дақиқа давом этган баҳсда Полина эйс зарбасини амалга ошира олмади, қўшхатолари 4 тани ташкил қилди. Ванда 1 та эйс зарба бўлди, қўшхатога йўл қўймади. Бу теннисчиларнинг ўзаро ўтказган биринчи учрашуви бўлди. 

Таққослаш учун, Полина WTA рейтингида 125, Ван Сиюй 148-ўринни эгаллаб турибди.