19 июн 12:26
Янгиликлар

Теннис

"Ролан Гаррос" мухлислар билан ўтказилади

"Катта Дубулға" туркумига кирувчи "Ролан Гаррос" турнири мухлислар қаршисида ўтказилади.

Бу ҳақида Франция теннис федерацияси раҳбари Бернар Гьюдичелли хабар берди.

"Ҳа, Roland Garros мухлислар ташрифи билан ўтказилади. Лекин ҳозирча қанча мухлисга рухсат берилиши юзасидан якуний қарорни қабул қилмадик. Бу масала тегишли давлат органлари билан келишган ҳолда ўз ечимини топади. Айни пайтда Топ-100 рейтингидан ўрин олган 75 нафар теннисчи Европада бўлиб турибди ва ишончим комилки, улар Парижга юқори спорт формасида етиб келишади", - дея Гьюдичеллининг сўзларини келтирмоқда Reuters.