30 май 15:06
Янгиликлар

Теннис

"Ролан Гаррос". Ўнинчи ракеткада кутилмаган мағлубият

Париж шаҳрида давом этаётган "Ролан Гаррос" турнирида кутилмаган натижалар ҳам кузатиляпти.

Жумладан, дунёнинг ўнинчи ракеткаси Петра Квитова илк даврадаёқ мағлубиятга учраб, мухлислар сафидан жой олди. Чехиялик теннисчи WTA рейтингида 44-поғонада бораётган италиялик Элизабетта Коччиареттона 3/6, 4/6 ҳисобида ютқазиб қўйди.

Бу теннисчиларнинг ўзаро ўтказган илк учрашуви эди. Саксон саккиз дақиқа давом этган баҳсда Квитова ҳам, Коччиаретто ҳам 4 тадан эйс зарбасини амалга оширишган. Энди италиялик теннисчи иккинчи босқичда Симона Вальтертга қарши кортга чиқади. Швейцариялик биринчи даврада америкалик Элизабет Мандликдан устун келди - 6/1, 4/6, 6/2.