16 мар 11:01
Янгиликлар

Теннис

"Ролан Гаррос" турнир бекор қилинмайди

"Катта Дубулға" туркумига кирувчи "Ролан Гаррос" турнири ташкилотчилари мусобақани бекор қилиш ҳақида ўйлашмаяпти.

"Биринчидан, грунт қопламали кортларда ўтказилувчи мусобақаларнинг энг нуфузлиси бошланишига ҳали анча вақт бор. Иккинчидан, Франция теннис федерацияси коронавирус масаласида мамлакат ҳукумати қабул қиладиган қарорларга бўйсунади ва амал қилади", - дейилади "Ролан Гаррос" турнири расмий "Твиттери"даги баёнотда.

Эслатиб ўтамиз, аввалроқ коронавирус инфекцияси тарқалиши оқибатида Индиан-Уэллс ва Майамидаги нуфузли "Мастерс" турнирилари, шунингдек, АТР ва WTA томонидан ўтказиладиган барча мусобақалар олтин ҳафтага тўхтатилган эди. Бу йилги "Ролан Гаррос" турнири 18 майдан 7 июнга қадар ўтказилиши белгиланган.