12 ноя 13:02
Янгиликлар

Футбол

Роналду жазодан қутулиб қолди

“Ювентус” ҳужумчиси Криштиану Роналду Италия А сериясининг 12-турида “Милан”га (1:0) қарши беллашувдан кейинги ҳатти ҳаракати учун жазоланмайдиган бўлди.

“Бяьнконери”лар устози Маурицио Сарри беллашувнинг 55-дақиқасида португалиялик футболчини захирага олгач, Криштиану тезлик билан ечиниш хонасига йўл олган ва кейинчалик ўйин тугашини кутмай, стадионни тарк этганди.

Турин клуби ички тартиб-қоидаларига мувофиқ, Роналду катта миқдорда жаримага тортилиши лозим эди. Аммо клуб раҳбарияти футболчига санкция қўллашни истамади, дея хабар бермоқда Goal.com нашри “La Stampa”га таяниб.

Илгарироқ Сарри Роналдунинг тиззасида оғриқ борлиги ҳақида гапирганди. Эслатиб ўтамиз, Криштиану Роналду қаторасига иккинчи беллашувда майдонда ўз ўрнини жамоадошларига бўшатиб бермоқда.