Роналду раҳбариятдан МЮ футболчисини сотиб олишни сўради

"Ювентус" ҳужумчиси Криштиану Роналду "Манчестер Юнайтед" клуби ярим ҳимоячиси Поль Погба билан бир жамоада тўп суришни хоҳламоқда. Бу ҳақида Tuttosport нашри хабар қилди. 34 ёшли ҳужумчи "Кекса синьора" раҳбарларидан франциялик футболчи билан шартнома имзолашни сўраган.

Эслатиб ўтамиз, Погба жорий мавсум 6 учрашувда майдонга тушди ва ўз ҳисобига 2 та голли узатма ёздириб қўйди. Погба ҳозир жароҳатдан тикланиш жараёнида. Унинг "Манчестер Юнайтед" билан амалдаги шартномаси 2021 йилнинг ёзида якунланади.