Россия бокс федерациясида World Boxing’га қўшилишига изоҳ берилди

"Биз World Boxing ижроия кенгашининг Россия бокс федерациясининг ушбу ташкилотга қўшилиш аризасини маъқуллаш ҳақидаги қарорини ўргандик. Бизнинг асосий устувор вазифамиз — спортчилар манфаатлари ва боксни ривожлантириш. Биз учун барча боксчилар — катта бир оила. Биз ҳеч қачон улар учун профессионал ўсиш имкониятларини ёпмаганмиз ва ёпмоқчи ҳам эмасмиз. Шунинг учун россиялик боксчиларнинг исталган мусобақаларда — хоҳ World Boxing, хоҳ IBA, ёки профессионал мусобақаларда иштирок этишига тўсқинлик кўрмаяпмиз. Турли шароитларда олинган тажриба ва тобланиш фақат характерни мустаҳкамлайди. Қанча кўп имконият бўлса, спортчиларимиз ўз маҳоратларини шунча кўпроқ намоён қила олади ва жаҳон бокси янада кучаяди", — деди Беспутин федерация матбуот хизматига.