"Россиядан қувилган ҳақиқий жангчи". Конор Макгрегор — Павел Дуров ҳақида гапирди (+ФОТО)

У ижтимоий тармоқдаги саҳифасида (эҳтимол, сунъий интеллект ёрдамида тайёрланган) Дуров билан тушган суратларини ҳам жойлади.

"Дўстим Павел Дуров!

Ҳукуматлар эркинликларимизни тобора кўпроқ чеклаётган бу дунёда, "Телеграм" ортида турган мустаҳкам куч — Павел Дуровга чексиз ҳурмат!

У ҳақиқий жангчи: фойдаланувчилар маълумотларини сотишдан бош тортгани учун Россиядан қувилган, у махфийлик ва сўз эркинлиги асосида империя қурди. Энди эса инновацияларни жазолайдиган, бажариб бўлмас қоидалари билан “Европа Иттифоқининг махфийликка қарши уруши”га қарши чиқмоқда.

У бизни эркин интернетни кузатув ва цензурага тўла дистопик тушдан қутқариш учун вақт камайиб бораётгани ҳақида огоҳлантирмоқда.

Францияда ҳибсга олингани ва эркинлик масалаларига бағишланган форумларда иштирок этиши тақиқланганига қарамай, у принципларидан чекинмай, зарарли контентни ўчириб, ўз қадриятларини сақлаб қолмоқда.

Павел, сен афсонасан ва бутун дунёдаги тадбиркорлар ва исёнкорларга ҳеч қачон таслим бўлмасликка илҳом берасан. Сен қадрли дўст ва содиқ биродарсан, мен 100 фоиз сен томондаман!" — деб ёзди Макгрегор X ижтимоий тармоғида.