30 авг 08:09
Янгиликлар
Бокс/ММА
Роуз Намаюнас Шевченко - Грассо жангига тахмин билдирди
UFC`нинг аёллар минимал оғирлик вазндаги собиқ чемпиони Роуз Намаюнас 16 сентябрь куни ўтказиладиган Валентина Шевченко ҳамда Алекса Грассо ўртасидаги реванш жангига тахмин билдирди.
Ушбу жанг Мексика Мустақиллиги кунидаги Fight Night турнирининг асосий жанги бўлади.
"Валентинани ажойиб жангчи деб ҳисоблайман. У ўз чемпионлик камарини қайтариб олишига ишонаман. Лекин Алексани ҳам ҳисобдан чиқариб бўлмайди. У ўтган жангида рақибидан анчагина кучли эди. Лекин мен Валентинанинг чемпионлигини тахмин қиляпман", - деди Намаюнас.
Эслатиб ўтамиз, илк жанг UFC 285 турнири доирасида ўтказилган ва унда Грассо кутилмаганда номдор рақибасини бўғиш усули билан мағлубиятга учратиб, чемпионлик камарини тортиб олганди. Ўшанда бу Шевченконинг 2017 йилдан буён илк мағлубияти бўлганди.
Ҳавола :
Манба : MMA News
Фикрлар