Рой Жонс: "Усик Алваресни осонгина мағлуб этади"

"Усикда Канело билан жанг қилиш учун оғир вазнга тушишга сабаблар йўқ. Менимча, Усик Алваресни осонгина мағлуб этади.

Усик — супероғир вазн тоифасида жаҳон чемпиони. У дунёнинг энг оғир вазн тоифасида жаҳон чемпиони бўлса, нима учун оғир вазнга тушиши керак? Чад Доусон Андре Уорд билан жанг қилиш учун енгил вазнга ўтганида нима бўлганини кўринг. Бу унинг карерасини тугатди. Тайсон Фьюри, Деонтей Уайлдер бор экан, нега у бундай йўл тутсин? Яна унда Энтони Жошуа билан жанг қилиш имкони ҳам бор. Унинг вазн тоифасида кучли рақиблар кўп", — деди Жонс "Boxing News 24" нашрига.

Эслатиб ўтамиз, Усик Жошуа устидан қозонилган ишончли ғалабадан сўнг WBA, WBO, IBF ва IBO йўналишларида жаҳон чемпиони номига сазовор бўлди. Шундан сўнг, Жошуа шартномадаги реванш бандини фаоллаштириб, чемпионлик камарларини қайтариб олиш учун ҳаракат қила бошлади. Дастлабки маълумотларга кўра, Усик ва Жошуа ўртасидаги иккинчи жанг 2022 йилнинг февраль март ойларида бўлиб ўтиши режалаштирилган.