Рўзибоев Octagon 25 турнирида жанг ўтказади + ПОСТЕР

Алмати шаҳрида ўтказиладиган Octagon 25 турнирида ўзбекистонлик икки ММА устаси ҳам октагонга кўтарилади. Улардан андижонлик 25 ёшли Машрабжон Рўзибоев оқшомнинг асосий кардида украиналик Константин Линникка қарши жанг ўтказади. 

Маълумот учун, таниқли ММАчимиз Нурсултон Black Рўзибоевнинг укаси ҳисобланган Машрабжон Рўзибоевнинг ММАдаги натижаси 11 ғалаба, 3 мағлубият ва 1 дурангни ташкил этади. У сўнгги жангини 12 сентябрь куни Москва шаҳрида Александр Жаркинни биринчи раундда техник нокаут ҳисобига таслим этганди. 

Машрабжоннинг рақиби Константин Линник эса 27 ғалаба ва 20 мағлубиятга эга. Охирги жангини шу йилнинг 20 февраль куни ўтказган. 

Шунингдек, Octagon 25 турнири доирасида яна бир ўзбекистонлик ММА яккакураш устаси Абдулазиз Сотволдиев ҳам ўз жангини ўтказади. Ҳамюртимиз асосий кардда қозоғистонлик Еркебулан Токтарга қарши октагонга кўтарилади.