РОЗКда "Наврўз"га бағишлаб ўтказилган тадбирда спорт курашлари бўлими ғолиб бўлди + ФОТО

Унда коллеж раҳбарияти, ўқитувчи ва мураббийлар, ўқувчилар иштирок этди. Байрам тадбирида коллежнинг ҳар бир спорт йўналишлари бўйича бўлими бир нечта шарт бўйича баҳслашишди.    

Хусусан, ош тайёрлаш беллашуви анча қизиқарли кечди. Жамоалар жами 10 та қозонда чойхона палов, байрам оши, тўй оши ва зиғир ош тайёрланди. Ҳакамлар ҳайъати айнан шу шарт бўйича ғолибни аниқлашда қийналишди. Якунда спорт курашлари бўлими томонидан тайёрланган чойхона палов ғолиб деб топилди. 

Байрам тадбири якунида барча шартлар бўйича ғолиб ва совриндорлар сафидан жой олган жамоаларни тақдирлаш маросими ўтказилди. Ўзбекистон Миллий олимпия қўмитаси бош котиби Ойбек Касимов, коллеж директори Мурод Алиев, Ўзбекистон оғир атлетика федерацияси раисининг биринчи ўринбосари Шаҳрулло Маҳмудов энг яхши деб топилганларга фахрий ёрлиқ ҳамда совғаларни топширишди.