27 фев 18:34
Янгиликлар

Теннис

Рублёв Дубайдаги иштирокини якунлади

БААнинг Дубай шаҳрида теннис бўйича нуфузли ATP турнири давом этмоқда.

Дунёнинг 14-ракеткаси Андрей Рублёв чорак финалда мағлубият аламини тотиб кўрди. Россиялик теннисчи рейтингнинг 37-поғонасидан жой олиб турган британиялик Дэн Эвансга 2/6, 6/7(9) ҳисобида имкониятни бой бериб қўйди.

Ушбу баҳс 2 соату 11 дақиқа давом этган. Андрей 5, Дэн эса 3 та эйс зарбасини амалга оширган. Ўзаро учрашувлардаги ҳисоб мувозанати эса тикланди - 1:1. Энди Эванс Dubai Duty Free Tennis Championships турнирининг ярим финалида Ян-Леннард Штруфф - Стефанос Циципас баҳси ғолибига қарши кортга чиқади.