Рублёв фаолиятидаги 12-совринига Хихонда эга чиқди

Ҳал қилувчи финал учрашувида дунёнинг 9-ракеткаси ҳисобланган Андрей Рублёв ATP рейтингида 47-ўринни эгаллаб турган АҚШ вакили Себастьян Кордани ортиқча қийинчиликсиз мағлубиятга учратди - 6/2, 6/3.

Теннисчилар кортда 77 дақиқа давомида ҳаракат қилишган. Ўзаро учрашувларда Андрей ҳисобни мустаҳкамлади - 2:0. Рублёв 3, Корда 6 та эйс зарбасини амалга оширган. Иккала теннисчи ҳам қўшхатога йўл қўйишмади.  

Бу Рублёвнинг мавсумдаги тўртинчи, фаолиятидаги ўн иккинчи соврин бўлди. Россиялик бир ҳафталик меҳнатидан 250 рейтинг очкоси ҳамда 93,090 евро мукофот пули ишлаб олди. Корда эса 150 балл ва 54,300 еврога эга бўлди. 

Яна бир статистик маълумот, Андрей Рублёв бу йилги мавсумда 4 та бош совринни қўлга киритган тўртинчи теннисчига айланди. Рафаэль Надаль ва Новак Жокович бу мавсум 4 тадан, дунёнинг биринчи ракеткаси Карлос Алькараз эса 5 та совринга эга чиққан.