Рублёв мавсумдаги бешинчи совринини Венада қўлга киритди

Ҳал қилувчи финал учрашувида дунёнинг саккизинчи ракеткаси бўлиб турган Андрей Рублёв рейтингнинг 42-поғонасидан жой олган италиялик Лоренцо Сонегога қарши кортга чиқди ва икки сет ҳам бир хил ҳисобда ғалаба қозонди - 6/4, 6/4.

Россиялик 23 ёшли теннисчи 1 соату 18 дақиқа давом этган баҳсда 6 та, 25 яшар Сонего эса 7 та эйс зарбасини амалга оширди. Бу теннисчиларнинг ўзаро ўтказган илк учрашуви эди. 

Шу тариқа, Андрей Рублёв мавсумдаги бешинчи, фаолиятидаги еттинчи совринини қўлга киритди. Erste Bank Open турниридаги муваффақиятли иштирок Рублёвга 105,240 евро мукофот пули ҳамда 500 рейтинг очкосини тақдим этди.