12 мар 12:23
Янгиликлар

Футбол

Ругани: "Коронавирусга чалиндим, аммо ҳавотир олманг, ҳаммаси жойида"

"Ювентус" ҳимоячиси ваҳима қилмасликни ва эҳтиёт чораларини кўришга чақирди.

Олдинроқ, "Ювентус" ҳимоячи Даниэле Руганининг коронавирусга чалинганини тасдиқлаган эди. Футболчи у билан ҳаммаси жойида эканлигини айтиб ўтди.

"Ҳа, мен коронавирусга чалиндим, аммо ҳавотир олманг, ҳаммаси жойида. Қоидаларга риоя қилишингизни сўрайман. Буни ўзимиз, яқин инсонларимиз ва атрофдагиларимиз учун қилайлик", - дейди Ругани.

Руганининг коронавирусга чалингани нафақат "Ювентус" ўйинчилари, балки улар билан ўйнаган "Интер" футболчилари учун ҳам карантинни англатади.