"Рус дербиси"да Медведев ишончли тарзда ғалаба қозонди

Бош соврин учун баҳсда икки россиялик теннисчи Даниил Медведев  (жаҳоннинг еттинчи ракеткаси) ва Андрей Рублёв (жаҳоннинг олтинчи ракеткаси) кураш олиб борди.

Бир соату 9 дақиқа давом этган учрашувда Даниил Медведев 6/2, 6/2 ҳисобида зафар қучди ва турнирнинг бош совринига эга чиқди. Ўйин давомида Медведев 9 та эйс зарбасини амалга ошириб, тўпни ўйинга киритишда бир марта хатога йўл қўйди ва ва еттита брейк-пойнтнинг тўрттасидан унумли фойдаланди. Андрей Рублёв эса учта эйс, битта қўшхато қайд этди. Спортчиларнинг ўзаро учрашувларида Медведев 6:2 ҳисобида олдинда бормоқда. 

Медведев турнирда ғолиб чиққани учун 500 рейтинг очкосидан ташқари мукофот пули сифатида 533 990 доллар олади. Иккинчи ўрин учун эса Рублёв 300 очко ва 287 320 долларга эга бўлади.