Руслан Абдуллаев ҳам ғалаба қозониб, кейинги босқичга йўл олди!

Тошкентда бокс бўйича катталар ўртасидаги йигирма иккинчи жаҳон чемпионатининг иккинчи куни давом этмоқда. Бироз аввал - 63,5 кг вазн тоифасида ўзбекистонлик боксчи — Руслан Абдуллаев саралаш жангида пуэрто-риколик Мануэль Фебусга қарши рингга кўтарилди. Жанг тўлиқ 3 раунд давом этди ва унда ортиқчи қийинчиликсиз Руслан Абдуллаев ғалаба қозонди. Ҳамюртимиз ҳакамларнинг якдил қарори билан (5:0) кейинги босқичга чиқди.

Эндиликда мазкур жанг ғолиби 1/16 финал босқичида испаниялик Оьер Конде Ибарраче ҳамда молдовалик Дмитри Галагот жуфтлиги ғолибига қарши рингга чиқади. Айни дамда мазкур жанг старт олмоқда.