21 апр 18:55
Янгиликлар

Спорт курашлари

Рустам Ассакалов ўзининг учинчи Олимпиадасида иштирок этади

Қирғизистон пойтахти Бишкек шаҳрида спорт курашлари бўйича Париж Олимпиадасининг лицензион турнири ўз якунига етиб бормоқда.

Мусобақада -97 кг вазн тоифасида юртимиз шарафини ҳимоя қилган Рустам Ассакалов лицензион турнирнинг ярим финалида қирғизистонлик У.Жусупбековга қарши баҳс олиб борди ва 3:1 ҳисобида ғалабага эришди.

Ушбу ғалаба орқали Ассакалов Париж Олимпиадаси лицензиясига эга чиқди.

Қайд этиш лозимки, Париж Олимпиадаси Рустам Ассакалов учун қаторасига учинчи Олимпиада бўлади.

Ўзбекистон спорт делегациясининг Париж Олимпиадаси учун лицензиялари сони 35 тага етди.