Рустам Саидовни табриклаймиз!

Рустам Саидов 1978 йил 6 февраль куни таваллуд топган. Фаолияти давомида +91 кг вазн тоифасида иштирок этиб, энг нуфузли спорт мусобақаларида юртимиз шарафини муносиб ҳимоя қилган. Рустам Тўхтасинович 1999 ва 2007 йиллар Осиё чемпионатлари, Пусан-2002 ва Доха-2006 Осиё ўйинларининг олтин медаль соҳиби ҳисобланади. Шунингдек, 2003 йил Бангкокда ўтган жаҳон чемпионати ва Сидней 2000 Олимпия ўйинларида бронза медалини қўлга киритган. Унинг ушбу муваффақиятлари ҳукуматимиз томонидан Ўзбекистон Республикасида хизмат кўрсатган спортчи ва “Ўзбекистон ифтихори” фахрий унвонлари билан тақдирланган. Маҳоратли ҳамюртимиз ҳозирда бокс бўйича Малайзия терма жамоаси бош мураббийи сифатида фаолият олиб бормоқда.

"Olamsport.com" сайти  Рустам Саидовни бугунги таваллуд айёми билан табриклаб, унга узоқ умр, сиҳат-саломатлик ва улкан муваффақиятлар тилаб қолади.