Рустам Тўлаганов: Қон билан олинган пулларимни беришмайди...

"Рио Олимпия ўйинларидан сўнг йўқ бўлиб қолишимнинг асосий сабаби ҳали ҳам муаммолигича қолмоқда. Хабарингиз бор, 2017 йилда Рио совриндорларига МОҚ томонидан ойлик белгиланди. Бу нарсани гапирмасдан ўтиб кета олмайман, чунки мен бу нарсаларга тер билан эмас, балки қон билан бу ойликка эришганман. Нимага билмадим, менга бу ойликни беришмаган. Уч йилдан бери мен бу ойликни олмайман. Нима учун бундай бўлганини очиғи билмайман. Ҳозир ҳисобласак, уларни таҳминан 30 минг доллар атрофида қарзи бор. 

Қарор? Қарорга ҳеч ким қарамайди... Карантин вақтида менга 45 миллион ташлаб беришди. Улар бу олти ойлик ойлигим эканлигини айтишди. Уч йиллигини сўрасам... Йўқ! Улар ўйин қилишдими, билмайман. Нима ҳам дердик... Рўйхатда доим исмим бўлади, лекин исм-фамилия бўлгани билан ойлик олинмайдику. Шундан сўнг 2018 йилда менга Республика чемпионатида чиқиш таклифи берилди ва мен Жиззахдаги мусобақанинг финалига йўл олдим. Ўшанда Мадиёр билан жанг қилдим ва ўша баҳсда ҳам ғалаба қозонгандим, бироқ нима қилишди билмадим... Ўша жангда у боши билан қошимни ёрганди. Мадиёр мени укам, бироқ бокс - бу, бокс. Ўша баҳсда бокс бўлмаганди. Ноҳақликлар кўп бўлди",-деди Рустам Тўлаганов.