06 июн 20:01
Янгиликлар

Теннис

Сабина Фарғона "Челленжер" турнирининг 1/4 финалига чиқди

Фарғона шаҳрида теннис бўйича "Челленжер" туркумига кирувчи турнир давом этмоқда.

Соврин жамғармаси 25 000 АҚШ долларини ташкил қилувчи мусобақанинг яккалик баҳсларида чорак финал иштирокчилари маълум бўлди. Ушбу босқичга ҳамюртларимиздан биргина мамлакатимизнинг биринчи ракеткаси Сабина Шарипова етиб келди.

Шарипова Фарғонадаги турнирда ҳам биринчи рақам остида ҳаракат қилмоқда. Биринчи даврада яна бир юртдошимиз Севиль Йўлдошевадан 6:1, 6:0 ҳисобида устун келган Сабина бугун иккинчи босқич учрашувини ўтказди.

Теннисчимиз беларуслик Илона Кременга қарши кортга чиқиб, рақибасини икки сетда ҳам бир хил 6:1 ҳисобида таслим этди. Шарипованинг чорак финалдаги рақибаси турнирнинг олтинчи ракеткаси, россиялик Камила Раҳимова бўлади.