Сабина Гуяйн турнирининг жуфтлигида ярим финалга чиқди

“Фьючерс” туркумига кирувчи ушбу мусобақада ҳамюртимиз Сабина Шарипова ҳам муваффақиятли одимлаяпти. Мамлакатимизнинг биринчи рақамли теннисчиси турнирнинг жуфтликлар баҳсида ярим финалга чиқди.

Беларуслик Лидя Морозова билан бирга биринчи рақамли жуфтликни ҳосил қилган вакиламиз 1 соату 4 дақиқа давом этган чорак финал учрашувида хитойлик теннисчилар - Шенг Юки ҳамда Женг Вушуангни 6:4, 6:1 ҳисобида мағлуб этишди.

Эслатиб ўтамиз, улар биринчи босқичда япониялик теннисчилар - Шихо Акита ва Наги Ханатани ҳамкорлигини 6:1, 6:0 ҳисобида енгишганди. Сабина ва Лидя финал остонасида турнирнинг учинчи рақамли жуфтлиги, хитойлик теннисчилар - Ханю Гуо ва Ю Йега қарши кортга чиқишади.