09 фев 17:41
Янгиликлар
Теннис
Сабина Шарипова Қозоғистондаги турнирни ғалаба билан бошлади
Қозоғистоннинг Чимкент шаҳрида мукофот жамғармаси 15000 АҚШ долларни ташкил қиладиган ITF таснифига кирувчи "W15 Shymkent" турнири ўтказилмоқда.
Ушбу мусобақада ҳамюртимиз Сабина Шарипова ҳам иштирок этмоқда.
Турнирнинг жуфтлик баҳсларида россиялик Екатерина Казионова билан биринчи рақам остида жуфлик ҳосил қилган Шарипова украиналик Марина Берген/Любовь Костенко жуфлигига қарши кортга чиқдилар.
Ўйинда Сабина Шарипова ва унинг шериги 6/1, 6/4 ҳисобида ғалаба қозонди ва чорак финалга йўл олди.
Эслатиб ўтамиз, Сабина Шарипова ушбу турнирнинг яккалик баҳсларида ҳам иштирок этмоқда. Биринчи рақам остида сараланган Шарипованинг асосий тўрдаги рақиби саралаш баҳсларидан сўнг маълум бўлади.
Ҳавола :
Манба : olamsport.com
Фикрлар