Сафин, Кафельников, Навратилова Париждаги афсоналар турнирида

Яқин ўтмишнинг машҳур теннисчилари, россиялик Евгений Кафельников ва Марат Сафин франциялик Себастьян Грожан ҳамда Михаэля Льодрани 3/6, 7/5, 10:6 ҳисобида мағлуб этди. Лекин улар иккинчи учрашувда германиялик Томми Хаас ва француз Поль-Анри Матьёга ютқазишди - 5/7, 3/6.

Аёллар ўртасидаги баҳсларда Динара Сафина ва Мартина Навратилова америкалик Линдсэй Дэвенпорт ҳамда испаниялик Аранта Санчес-Викариодан устун келишди - 2/6, 7/6, 10:5. Иккинчи учрашувда эса словакиялик Даниэла Хантухова ва франциялик Натали Тозьяни 6/3, 6/2 ҳисобида мағлуб этишди.