Саиджамшид Жафаров иштирокидаги жанг тўлиқ давом этди

Турнирнинг марказий жанги ҳамюртимиз Саиджамшид Жафаров ҳамда мезбон боксчи Талгат Шайкен ўртасида кечди. Аслида Жафаров ушбу бокс оқшомида қозоғистонлик Олимпиада чемпиони Данияр Елеуссиновга қарши рингга кўтарилиши лозим эди. Аммо Елеуссиновнинг жароҳати рақиб ўзгаришига сабаб бўлди. 

Тўлиқ давом этган жангда чарм қўлқоп устамиз Талгат Шайкенга проф фаолиятидаги илк мағлубиятни тақдим этди. Жафаров ҳакамларнинг айри қарори билан ғалаба қозониб, вакант бўлиб турган IBA Asia камари соҳибига айланди. Шайкен ўз вақтида ёшлар ўртасида WBC чемпионлик камари соҳиби бўлган.