05 апр 10:55
Янгиликлар
Бокс/ММА
Саиджамшид Жафаровнинг Данияр Елеусиновга қарши жанги марказий мақомда бўлади
Аввалроқ, проф боксда мағлубият ва муросасиз одимлаётган Данияр Елеусинов (11-0, 6 КО)нинг навбатдаги жангини ҳамюртимиз Саиджамшид Жафаровга қарши ўтказиши ҳақида хабар берган эдик.
Ушбу жанг расман ўз тасдиғини топди. Ушбу жанг 27 апрель куни Қозоғистоннинг Алмати шаҳрида ташкил этиладиган "IBA Чемпионлар оқшоми"нинг марказий баҳси бўлади. Бу маълумотни ҳам ташкилотчилар расман тасдиқлашди.
Рио-2016 Олимпиадаси чемпиони Данияр Елеусинов ҳамда жаҳон вице-чемпиони Саиджамшид Жафаров жанги ғолиби 71 кг вазн тоифасида IBA чемпионлик камарига расмий даъвогарга айланади.
Шунингдек, ушбу бокс оқшомида россиялик Магомед Мадиев Эквадор вакили Абель Минага қарши рингга чиқади. Ушбу жанг 75 кг вазнда ташкил этилади. Яна бир рус боксчиси Юрий Осипов 71 кг вазндаги 8 раундлик жангда 2018 йилги ўсмирлар Олимпиадасининг кумуш медали совриндори, қозоғистонлик Шайкен Талгат билан тўқнаш келади.
Ҳавола :
Манба : olamsport.com
Фикрлар