Саидёқуб Қаҳрамонов: "У ўлгудек чарчаган эди"

Бугун тонгда АҚШнинг Лас-Вегас шаҳрида 2022 йил ҳисобидан сўнгги UFC мусобақаси бўлиб ўтди ва унда энг енгил вазндаги ҳамюртимиз Саидёқуб Қаҳрамонов (10-3) ҳам навбатдаги жангини ўтказди.

Қаҳрамонов россиялик Саид Нурмагомедов (17-2)га қарши октагонга кўтарилиб, яққол устунликка қарамасдан, иккинчи раундда сабмишен орқали муддатидан аввал мағлуб бўлди. Ҳамюртимиз жанг ҳақида ўз фикрлари билан ўртоқлашди:

"Менинг хатоим шуки, бир неча бор осон ҳимояланган бўлсам-да, унинг зарбаларини эътиборга олмадим. У ўлгудек чарчаган эди, ҳаттоки жангдан сўнг юра олмади ҳам, гапира олмади ҳам. Режа ўша-ўша: душанба куни спорт залига қайтиш. Кейинги йигит ўлади", - деб ёзган Саидёқуб ўз Твиттер саҳифасида.