Самарқанд FIDE Grand Swiss 2025 иштирокчилари тасдиқланди

Аниқроғи, 3-16 сентябрь кунлари қўҳна ва ҳамиша навқирон Самарқанд шаҳрида халқаро супертурнир — FIDE Grand Swiss мусобақаси бўлиб ўтади. Ўн бир турдан иборат турнир швейцарча тизимда — Open (Эркаклар) va Women’s (Ayollar) гуруҳларида ўтказилади. Унда дунёнинг жами 172 нафар кўзга кўринган шахматчилари иштирок этади. 

Ааҳамиятга молик жиҳати шундаки, ҳар икки гуруҳ баҳсларида биринчи ва иккинчи ўрин соҳиблари 2026 йилги "Номзодлар турнири"га йўлланмани қўлга киритади. Open турнирининг мукофот жамғармаси — 625 000, Women’s мусобақасиники эса — 230 000 АҚШ долларидан иборат.

Open турнирида амалдаги жаҳон чемпиони Гукеш Доммараджу, шунингдек, Аржун Эргаиси, Рамешбабу Праггнанандҳа (барчаси Ҳиндистон), Нодирбек Абдусатторов (Ўзбекистон), Алиреза Фирузджа (Франция), Ян Непомняший (Россмя), Аниш Гири (Нидерландия), Шахрияр Мамадьяров (Озарбайжон), Левон Аронян (АҚШ) сингари жаҳон шахмати юлдузлари дона суради. 

Open турнирида Нодирбек Абдусатторовдан ташқари ҳамюртларимиздан Жавоҳир Синдаров, Нодирбек Якуббоев, Шамсиддин Воҳидов ҳам қатнашади. Гулруҳбегим Тоҳиржонова Women’s гуруҳида юртимиз шарафини ҳимоя қилади.