Самарқандда триатлон бўйича Жаҳон кубоги бўлиб ўтди

Бу ҳақда Ўзбекистон триатлон федерацияси матбуот хизмати хабар бермоқда.

"24 май куни бўлиб ўтган бу старт шунчаки пойга бўлмади – бу Ўзбекистонда ва бутун Марказий Осиёда триатлон ривожи учун тарихий босқич бўлди. Бутунжаҳон триатлон тақвими доирасида Ўзбекистонда иккинчи маротаба ўтказилаётган бундай миқёсдаги халқаро мусобақа жаҳон спорти харитасида минтақанинг аҳамияти тобора ортиб бораётганини таъкидлаб, ташкилотчи сифатида Ўзбекистон триатлон федерациясига бўлган ишонч рамзидир. 

Мусобақада Буюк Британия, Германия, Франция, Белгия, Қирғизистон, Қозоғистон, Австрия, Венгрия, Италия ва бошқа кўплаб давлатлардан 35 дан ортиқ хорижий спортчилар иштирок этди. Ўзбекистонга жами 150 нафарга яқин хорижлик спортчи ташриф буюрди. 

НАТИЖАЛАР 

Триатлон бўйича жаҳон кубоги элита эркаклар: 

1-ўрин – франциялик Максим Хюбер-Мусбруггер 

2-ўрин – венгриялик Мартон Кропко 

3-ўрин – канадалик Матҳис Болиеу.

НАТИЖАЛАР 

Триатлон бўйича жаҳон кубоги элита аёллари: 

1-ўрин — Диана Исакова – якка тартибда нейтрал спортчи 

2-ўрин — франциялик Леа Конинкс 

3-ўрин — италиялик Костанса Арпинелли. 

Триатлон бўйича жаҳон кубогида Ўзбекистондан тўрт нафар спортчи иштирок этди: Алина Ҳакимова, Қуиндос Жереми, Александра Куришов ва Камран Хўжаев", дейилади ташкилот хабарида.