Самбочиларимиз Россиядаги жаҳон кубогида умумжамоа ҳисобида иккинчи бўлишди!

Баҳсларда Ўзбекистон терма жамоаси самбочилар ҳам муваффақиятли иштирок этишди. 

Мусобақа якунига кўра, самбочиларимиз 9 та медаль билан қайтадиган бўлишди. Баҳсларда қатнашган спортчиларимиз 2 та олтин, 6 та кумуш ва 1 та бронза медалини қўлга киритишди. 

Жаҳон кубогида қуйидаги спортчиларимиз совриндор бўлишди:

Олтин:

-58 кг: Баҳодир Бакиев (жанговар самбо)

-88 кг: Ихтиёр Эшмуродов (самбо)

Кумуш:

-64 кг: Хомиджон Мўминов (самбо)

-98 кг: Дилшод Чориев (самбо)

+98 кг: Ҳакимжон Исмоилов (жанговар самбо)

-50 кг: Сабина Давлатова (самбо)

+98 кг: Ҳуснииддин Ҳусанов (самбо)

-64 кг: Ойбек Солиев (самбо)

Бронза:

-79 кг: Шерзодбек Исмоилов (жанговар самбо).

Қувонарлиси, эркаклар терма жамоамиз мусобақада умумжамоа ҳисобида иккинчи ўринни эгаллашди. Бу борада биринчи ўринни Россия, учинчи ўринни эса Қирғизистон терма жамоалари банд этишди. 

Жанговар самбочиларимиз эса Россия ва Қозоғистондан сўнг умумжамоа ҳисобида учинчи бўлишди. 

Ўзбекистон самбо ассоциацияси матбуот хизмати